Ինչպես արդեն հայտնել էինք, 2026 թվականի փետրվար ամսին ՀՀ հակակոռուպցիոն դատարանը մերժել էր ՀՀ քրեական օրենսգրքի 435-րդ հոդվածի 2-րդ մասի 2-րդ և 3-րդ կետերով, 441-րդ հոդվածի 2-րդ մասի 4-րդ կետով, 46-445-րդ հոդվածի 1-ին մասով և 435-րդ հոդվածի 2-րդ մասի 2-րդ կետով նախատեսված ենթադրյալ հանցագործությունների (ապօրինի գործողության համար խոշոր չափերով կաշառք պահանջելը, մի խումբ պաշտոնատար անձանց կողմից ծառայողական լիազորությունները չարաշահելը, պաշտոնեական կեղծիքի դրդելը և ապօրինի գործողության համար կաշառք ստանալը) մեջ մեղադրվող, մեր գրասենյակի փաստաբան Անդրանիկ Մնացականյանի վստահորդ Դ.Վ.-ի նկատմամբ որպես խափանման միջոց կիրառված կալանքի ժամկետը երկարաձգելու վերաբերյալ քննիչի միջնորդությունը և կիրառել այլընտրանքային խափանման միջոցների համակցություն՝ տնային կալանք, գրավ և բացակայելու արգելք (տե`ս https://www.lsa.am/hy/criminal-case/our-client-accused-of-serious-crimesreleased-from-detention/)
ՀՀ հակակոռուպցիոն դատարանի վերոնշյալ որոշման դեմ հսկող դատախազի հատուկ վերանայման բողոք էր ներկայացվել ՀՀ վերաքննիչ հակակոռուպցիոն դատարան, որտեղ 2026 թվականի մարտի 20-ին որոշում է կայացվել դատախազի կողմից ներկայացված բողոքը մերժելու և կայացված դատական ակտն անփոփոխ թողնելու մասին:
Բացի այդ, 2026 թվականի մարտի 23-ին ՀՀ հակակոռուպցիոն դատարանում տեղի է ունեցել Դ.Վ.-ի և մյուսների վերաբերյալ մեղադրական եզրակացությամբ դատարան ուղարկված քրեական գործով նախնական դատալսումներով առաջին դատական նիստը: Քննարկելով մեր վստահորդ Դ.Վ.-ի խափանման միջոցի հարցը՝ դատարանը որոշել է պահպանել գրավ և բացակայելու արգելք խափանման միջոցները, իսկ տնային կալանքը՝ փոխել վարչական հսկողությամբ, ինչի արդյունքում մեր վստահորդն ազատվելու է արգելանքից:
Շնորհակալ ենք ՀՀ վերաքննիչ հակակոռուպցիոն դատարանի դատավոր Ժենյա Մելիքսեթյանին և ՀՀ հակակոռուպցիոն դատարանի դատավոր Վարդգես Սարգսյանին՝ արդարացի դատական ակտեր կայացնելու համար: