Գործընկեր
Փաստաբանական արտոնագիր՝ № 3558
Իրավաբանական գիտությունների թեկնածու
Անդրանիկ Մնացականյանը հանդիսանում է «ԷԼ ԷՍ ԷՅ» իրավաբանական ընկերության ղեկավար կազմի անդամ /Գործընկեր/։ Մասնագիտացված է քրեական իրավունքի ոլորտում:
Փաստաբանի փորձառությունը «ԷԼ ԷՍ ԷՅ» իրավաբանական ընկերությունում սկսել է 2024թ․, մինչ այդ ունեցել է դատավորի աշխատանքի երկարամյա փորձառություն, մանավորապես՝ 2013-2017 թվականներին աշխատել է որպես ՀՀ Սյունիքի մարզի ընդհանուր իրավասության առաջին ատյանի դատարանի դատավոր,
2017-2023 թվականներին աշխատել է որպես ՀՀ վերաքննիչ քրեական դատարանի դատավոր,
2023-2024 թվականներին աշխատել է որպես ՀՀ Արագածոտնի մարզի առաջին ատյանի ընդհանուր իրավասության դատարանի դատավոր:
2008թ.-ին ավարտել է Երևանի պետական պամալսարանի իրավաբանական ֆակուլտետը, այնուհետև համապատասխանաբար 2010թ.-ին և 2013թ.-ին մագիստրատուրան և ասպիրանտուրան։
2013թ․-ին քրեական իրավունքի ոլորտում, պաշտպանել է թեկնածուական ատենախոսություն և շնորհվել է իրավաբանական գիտությունների թեկնածուի գիտական աստիճան: Գիտական ատենախոսության թեման՝ «Խուլիգանության քրեաիրավական և կրիմինալոգիական հիմնախնդիրները Հայաստանի Հանրապետությունում»:
2012թ.-ին ավարտել է ՀՀ դատական դպրոցը՝ դատավորի թեկնածուների ուսումնական ծրագրով:
2017 թվականից մինչ օրս Արդարադատության ակադեմիայում վարում է դատավորների, դատախազների, ինչպես նաև դատավորի և դատախազի թեկնածուների համար նախատեսված դասընթացներ: Ունի մի շարք գիտական հրապարակումներ:
Դատավորների ընդհանուր ժողովի որոշմամբ արժանացել է «2016թ․ լավագույն դատավոր» պատվավոր կոչմանը։
2021-2024 թվականներին հանդիսացել է նաև Արդարադատության ակադեմիայի կառավարման խորհրդի անդամ:
Մասնակցել է բազմաթիվ միջազգային կոնֆերանսների, որոնք կայացել են ինչպես Հայաստանում, այնպես էլ Ամերիկայի Միացյալ Նահանգներում և Եվրոպայում:
2024թ.-ից հանդիսանում է ՀՀ փաստաբանների պալատի անդամ, փաստաբան:
Տիրապետում է հայերեն, ռուսերեն և անգլերեն լեզուներին։